د پي ټي آئي قامي اسمبلۍ غړو نااهلۍ معامله، سپيکر اياز صادق د اپوزيشن ليډر عمرايوب ،د زرتاج ګل پارليماني ليډر او د احمد چهټه ډپټي پارليماني ليډر عهدې خالي ګرځولي دي، سپيکر د اسمبلۍ د قواعدو مطابق د پي ټي آئي د ممبرانو نااهلۍ متعلق ايوان خبر کړېدې ،بلخوا سينيټ کښې هم د شبلي فراز د اپوزيشن ډلو مشر څوکۍ خالي کړې شويده ۔
اسلام آباد: د پاکستان تحريک انصاف پارليماني مشرانو مشکلات نور سيوا شويدي، نااهلۍ کيس کښې سينيټ او قامي اسمبلۍ کښې د تحريک انصاف اهم عهدې خالي ګرځولې شويدي ۔
د قامي اسمبلۍ سيکرټريټ نه جاري اعلاميې مطابق د اپوزيشن ليډر عمر ايوب څوکۍ د نااهلۍ لوجې کالي ګرځولې شويده، د زرتاج ګل پارليماني ليډرې او د احمد چهټه ډپټي پارليماني ليډر عهدې هم خالي ګرځولې شوي دي ۔
بلخوا سينيټ کښې هم د اپوزيشن ليډر شبلي فراز څوکۍ خالي ګرځولې شوې او دې لړ کښې سينيټ سيکرټريټ نوټي فکيشن هم جاري کړېدې ۔
ياده دې وي چې د پي ټي آئي دغه مشرانو پشمول د پارټۍ نور يوشمير کارکنانو او مشرانو ته د فيصل آباد ترهه ګرۍ مخنيوي عدالت نهمې مئي مقدمو کښې لس ، لس کالو قيد سزا اورولې وه ۔
دغې سزا نه پس اليکشن کميشن لخوا د پي ټي آئي قامي اسمبلۍ او سينيټ يو شمير مشران نااهله ګرځولې شوي دي ، نااهله ګرځولي شوي اراکينو عدالتونو کښې خپله نااهلي هم چيلنج کړېده ۔
