استنبول کښې د پاکستان او افغانستان ترمينځ تير څلور ورځو راهسې جاري مذاکرات ناکام شوي، وفاقي وزير اطلاعات عطا تارړ وئيلي دي چې مذاکراتو کښې پاکستان لخوا افغان خاورې د پاکستان په ضد د ترهه ګرې لپاره نۀ استعماليدو مطالبه شوې وه ولې افغان طالبانو سرحد پار ترهه ګري ختموؤلو ضمانت نۀ دې ورکړې، عطا تارړ واضحه کړې چې پاکستان به ترهه ګرو خلاف کاروائي جاري ساتي ۔
دا څرګندونې وفاقي وزيراطلاعات سوشل ميډيا ويب سائټ ټوئټر باندې خپل يو بيان کښې کړي ۔
د هغۀ وينا وه چې استنبول مذاکراتو کښې به افغان وفد د اصل ستونزې نه انحراف کوؤلو، پاکستان لخوا ناقابل ترديد شواهد پيش کړې شويدي، د مذاکرات يواځنې ايجنډا د افغان خاوري نه پاکستان باندې بريدونه اودرول وؤ ۔
عطاتارړ واضحه کړې چې پاکستان به د ترهه ګرو او هغوي مرستيالو خلاف کاروائۍ جاري ساتي، پاکستان به د خپل اولس محفوظ ساتلو لپاره هر ډول اقدامات کوي ۔
هغۀ مخکښې اوئيل چې مذاکراتو کښې سهولت فراهم کوؤلو باندې د ترکيه او قطر شکريه ادا کوؤ، او دا چې دوانړهه هيوادونو افغان وفد په دې خبره هم د قائل کوؤلو کوشش اوکړو چې خپله خاوره د بل هيواد خلاف استعمال نکړي ۔
