وزير اعظم شهباز شريف استنبول کښې د ترک صدر طيب اردووان سره ملاقات کړېدې ، وزير اعظم او فيلډ مارشل د پاکستان په مسلسل ملاتړ د ترکي حکومت او اولس شکريه ادا کړې ، د وفودو په کچ هم تفصيلي مذاکرات شوي ، دواړو ملکونو يو بل سره تړون نور زياتولو عزم څرګند کړيدې ۔
وزير اعظم او ترک صدر ون آن ون ملاقات کښې د دواړو هيوادونو په اړيکو خبرې کړي ، دې نه پس د وفود په کچ هم مذاکرات شوي ،پاکستاني وفد کښې فيلډ مارشل سيد عاصم منير ، نائب وزيراعظم او وزير خارجه اسحاق ډار ، وزير اطلاعات عطا تارړ او خصوصې مرستيال طارق فاطمي هم شامل وو ، ترک خارجه وزير او قامي دفاع وزير هم ترکيه وفد کښې شامل وو ۔
وزير اعظم شهباز شريف او طيب اردووان د ملاقات اعلاميه جاري شوې ، ملاقات کښې د پاکستان او ترکيه د ژور اړيکو ، تاريخي او برادرانه تعلقاتو توثيق شوې ، دواړو مشرانو ملاقات کښې د علاقائي او عالمي چارو جاج هم اخيستې دې ۔
اعلاميه کښې زياته کړې شوې چې د پاکستان او ترکيه تعلقات مشترکه اقدار ، احترام ، پرمختګ او خوشحالۍ باندې اډانه دي ، په دې موقع وزير اعظم شهباز شريف اقتصادي اړيکو په زياتولو زور راوړې ، وزير اعظم زياته کړې چې قابل تجديد توانائي ، دفاعي پيداوار او زراعت پشمول نورو شعبو کښې د يوبل همکاري کول ضروري دي ۔
ملاقات کښې د غزه په صورتحال انديښنه څرګنده کړې شوې ، دواړو مشرانو غزه کښې فوري جنګ بندۍ او امدادي سامان رسولو غوښتنه هم کړيده ۔
