ايران اسرائيل جنګ ، ايران په اسرائيل د بيلسټک او هائپر سونک ميزائيلو تازه حمله کړې ، اسرائيل تصديق کړے چې ايراني تازه حملو کښې لس اسرائيلي مړۀ او په دوه سوه نه زيات ژوبل شوي ، بلخوا اسرائيل په ايران فضائي حملې جاري ساتلي ، آئل ډپو او ريفائنري ئې په نښه کړي ، اسرائيل په ډرون قاتلانه حمله کښې د ايران يو مهم شخصيت ټارګټ کولو دعویٰ هم کړيده ۔
ايران په تل ابيب ، حيفه او مقبوضه بيت االمقدس کښې د اسرائيل په مهمو تنصيباتو او ودانو ميزائل حملې کړي ، ايراني فوجي چارواکي وائي چې په اسرائيل خېبر شکن ، عماد او غدر ميزائلې داغلي شويدي ۔
د ايران زورورو حملو کښې د اسرائيل په لويو ښارونو کښې زور دار آوازونه اوريدلي شوي ، ګنړ شمير نورې ودانې هم تباه شوي دي ۔
اسرائيلي چارواکو تصديق کړے چې تازه حملو کښې د اسرائيل لس وګړي وژلي شوي ، او دوه سوه نه زيات سخت ژوبل شوي دي ، د حملو لوجې غورځيدلي ودانو ملبه کښې څلويښت پورې اسرائيلي وګړي بے درکه شوي هم دي ۔
دې نه وړاندې ايراني چارواکو دعویٰ کړې وه چې يو ګهنټه کښې ئې د اسرائيل لس جنګي جهازونه غورځولي ولې اسرائيل د دې تصديق نۀ دې کړې ۔
بلخوا اسرائيل په ايران فضائي حملې جاري ساتلي ، تهران او بندرعباس پشمول د ايران مهم ښارونو باندې کروز ميزائل هم داغلي شوي دي ۔
اسرائيلي حملو کښې د ايران ريفائنري او تيلو ډپو په نښه کړې شوي ، د اسرائيل فوجي ترجمابن وئيلي دي چې تازه کاروائيانو کښې د ايران څلويښت اهداف په نښه کړې شويدي ۔
بلخوا د اسرائيل فوجي ترجمان وئيلي چي تهران کښې ئې په يو اعلیٰ شخصيت ډرون قاتلانه حمله هم کړې، ولې تردې دمه د دغه شخصيت په حواله نور تفصيلات مخې ته نۀ دي راغلي ۔
