د ايران صدر ډاکټر مسعود پزشکيان دوه ورځنې دوره باندې پاکستان ته رارسيدلې دې، لاهور ايئر پورټ باندې پخواني وزيراعظم نوازشريف او د پنجاب وزيراعلیٰ مریم نواز پشمول نورو چارواکو د ايراني صدر تود هرکلې کړېدې، صدر مسعود پزشکيان د علامه اقبال مزار ته هم ورغلې او خپل تاثرات ئې درج کړيدي ۔
اسلام آباد: د ايران صدر ډاکټر مسعود پزشکيان خپل ايراني وفد سره اسلام آباد ته راغلې چرته چې وزيراعظم شهبازشريف او نورو چارواکو د درون ميلمه تود هرکلې کړېدې ۔
د ايران صدر مسعود پزشکيان دې نه وړاندې لاهور ته رارسيدلې وو ، چرته چې ايئر پورټ باندې د مسلم ليګ ن صدر او پخواني وزيراعظم نوازشريف او د پنجاب حکومت نورو چارواکو د درون ميلمه تود هرکلې کړې وو ۔
ايراني صدر جاتي امرا نه پس د شاعر مشرق علامه محمد اقبال په مزار حاضري هم کړې وه او ګلونو ئې پرې ايښودې وو، په دې موقع ايراني صدر د علامه اقبال مزار کښې خپل تاثرات هم قلمبند کړېدي ۔
ايراني صدر او وفد به نوازشريف او وزيراعلیٰ پنجاب مریم نوازپشمول نور صوبائي چارواکو سره اهم ملاقاتونه کوي ۔
لاهور نه پس به ايراني صدر اسلام آباد کښې صدر مملکت آصف زرداري، وزيراعظم شهبازشريف او نورو چارواکو سره ليده کاته هم کوي ۔
