د خېبر پښتونخوا مشير خزانه مزمل اسلم وئيلي دي چې د سرکاري ملازمينو تنخواګانې، پنشن او ډسپريټي الاونس سيوا کولو سره د صوبې په خزانه اووه ويشت اربه روپۍ اضافي بوجھ پريوتې دې ،د پوليس تنخواګانې د پنجاب پوليس برابر کولو سره به په خزانه باندې شپږ نيم اربه روپۍ بوجھ پريوځي ۔
پيښور کښې پوسټ بجټ پريس کانفرنس ته د وينا په وخت مشير خزانه اووئيل چې د پيښور نه ډيره اسماعيل خان پورې موټروے په جوړولو باندې به څلور سوه اربه روپۍ خرچه راشي ،صوبائي حکومت به د دې لپاره صرف زمکه اخلي او چا سره چې هم معاهده اوشي نورې پيسې به هغه خرچ کوي، چې څه رنګه سوات ايکسپريس وے جوړه شوے په هغه طرز باندې به پيښور ډي آئي خان موټروے هم جوړولې شي ۔
مزمل اسلم وينا وه چې ترقياتي سکيمونو لپاره پنځه سوه اووه څلويښت اربه روپے مختص کړے شوي، د وفاق ټول ترقياتي بجټ يو زر ارب روپۍ دې ۔
مشير خزانه اووئيل چې د خېبرپښتونخوا ټول بجټ حجم دوه زره يو سل نورلس اربه روپۍ دې، د اخراجاتو تخمينه نورلس سوه دوه شپيته اربه روپۍ لګولې شوي،دغه رنګه يو سل اووه پنځوس اربه روپے بجټ سرپلس دې ۔
هغوي د دې خبرې اعتراف کړې چې وفاقي حکومت ضم اضلاع لپاره اے آئي پي پروګرام په مد کښې اوويا اربه روپۍ ادا کړيدي، دا وړومبۍ موقع ده چې صوبائي حکومت ته ټول رقم په وخت ميلاؤ شوې ۔
هغه اووئيل چې په بجټ کښې نوې ټيکس نه دې لګولې شوې، البته په ټيکسونو کښې ردوبدل کړې شويدې ۔
مزمل اسلم وينا وه چې پوليس شهدا پيکج هم سيوا کړې شوې او صوبه کښې د سيکورټي لپاره يو سل دوه اوويا اربه روپۍ مختص کړے شويدي ۔
فاټا او ضم اضلاع کښې د وفاق لخوا نه سيل ټيکس لګولو په اړه مزمل اسلم وينا وه چې سيلز ټيکس صرف په هغه څيزونو نافذ کړې شوې چې کوم ضم اضلاع او فاټا کښې تياريږي ۔
هغه اووئيل چې د صوبائي حکومت په کوششونو ضم اضلاع او فاټا ود هولډنګ ټيکس، انکم ټيکس او ويلتھ ټيکس نه بچ کړې شويدي ۔
