د خېبر پښتونخوا ګورنر فيصل کريم کنډي انکشاف کړې چې په صوبه کښې پنځه سوه اربه نه بلکه اووه سوه اربه روپو پورې کرپشن شوې او غټي مالياتي سکينډلز مخې ته راغلي چې پکښې د پي ټي آئي حکومتونه ککړ دي ۔
پيښور کښې ميډيا سره خبرو اترو په وخت ګورنر فيصل کريم کنډي وينا وه چې په خېبر پښتونخوا کښې د امن وامان صورتحال خراب دې، ترهه ګرۍ کښې بې کچه اضافه شوې د خلقو ځانونه محفوظ نۀ دي ۔
فيصل کريم کنډي په صوبائي حکومت باندې سختې نيوکې کړي او موقف ئې خپل کړے چې د ترهه ګرۍ لوجې جنوبي اضلاع کښې د ماښام نه پس خلق خپلو کورونو نه بهر د راوتلو جوګه نه وي ۔
ګورنر د هند خلاف کاميابي ترلاسه کولو باندې مسلح افواج ته خراج تحسين وړاندې کړے او وئيلي دي چې په جنګ کښې مسلح افواج ته شاندار کاميابي ترلاسه شويده ۔
هغوي وينا وه چې د پاکستان مسلح افواج بهارت ته د جارحیت غاښ ماتې جواب ورکړې او د دښمن غرور ئې خاورو سره خاورې کړې دې ۔
