وزيراعظم شهبازشريف ملک کښې د توانائۍ بچت لپاره اهم اعلانات کړي، ټول سرکاري او نجی سکولونه دوه هفتو لپاره بندولو، لوئې تعليمي ادارو کښې آن لائن کلاسز شروع کولو،هفته کښې صرف څلور ورځې سرکاري دفترونو کښې کار کولو اود پارليمان اراکينو تنخواګانو کښې پنځه ويشت فيصده کمي شوې،د سرکاري محکمو پنځوس فيصده عمله د کورونو نه کارکولو اعلان هم شوې، وزيراعظم وئيلي چې د وزيرانو، ګورنرانو او اهم سرکاري افسرانو په بهر ملکي دورو بنديز دې ،د کابينې اراکين ،وزيران، مشيران، معاونين خصوصي به دوه مياشتې تنخواګانې نۀ اخلي ۔
اسلام آباد: قام ته خطاب دوران وزيراعظم شهبازشريف ذخيره اندوزو او منافع خورو ته هم سخت پيغام ورکړې، وئيلي دي چې ذخيره اندوز او ناجائزه منافع خور دې د موجود صورتحال نه فائده اخستو کوششونه بالکل نۀ کوي، دوي خلاف به سخته قانوني کاروائي کولې شي ۔
وزيراعظم وئيلي چې راتلونکي ورځو کښې به د تيل قيمتونه نور هم سيوا کيږي، مونږ مينځنۍ لار راويستو کوشش کوؤ، د وفاقي حکومت پورا کوشش دې چې اولس باندې کم نه کم بوجھ واچوي، بائد وَس لرونکي اشرافيه راوړاندې شي او په دې سخت وخت کښې د قام مرستې اوکړي ۔
وزيراعظم شهبازشريف په ايران د اسرائيل او امريکې حملو مذمت کړې او ايراني قام سره ئې د يو والي څرګندونه هم کړې ده ۔
وزيراعظم په سعودي عرب،ترکيه، يو اے اي، قطر، بحرين، آذر بائيجان، او نور اسلامي ملکونو باندې هم د حملو هم مذمت کړې ۔
وزيراعظم دا هم وئيلي چې پاکستان پورا کوشش کوي چې مشرقِ وسطیٰ کښې جاري کړکيچن صورتحال د خبرو اترو د لارې حل کړې شي ۔
