د هري پور ضمني اليکشن باندې الزاماتو معامله، اليکشن کميشن آف پاکستان د خيبر پښتونخوا اطلاعاتو خصوصې مرستيال شفيع الله جان ته نوټس جاري کړې او هغۀ نه ئې جواب غوښتې دې، نوټس کښې وئيلي شوي چې شفيع جان دې اووۀ ورځو کښې خپل جواب جمع کړې، جواب نۀ ورکولو صورت کښې به هغۀ خلاف قانوني کاروائي کولې شي ۔
اسلام آباد: د اليکشن کميشن آف پاکستان له اړخه جاري شوي نوټس کښې وئيلي شوي چې د خېبر پښتونخؤا د اطلاعاتو خصوصي مرستيال شفيع جان الزام لګولې چې د ضمني انتخاب په وخت فارم اووه څلويښتم اسلام آباد نه جاري شوې او فارم پنځه څلويښتم اَپ لوډ کړې شوې نۀ دې ۔
اليکشن کميشن شفيع جان ته نوټس جاري کړې او هغه نه ئې وضاحت غوښتې دې، نوټس ترمخه د شفيع جان دغه الزامات غلط او بے بنياده دي ۔
د اليکشن کميشن نوټس کښې دا هم وئيلي شوي چې دا قسمه بيان د اليکشن کميشن د بدنامولو کوشش دې، په اووه ورځو کښې دننه دننه بائد معاون خصوصي شفيع جان اليکشن کميشن ته په دې حواله شواهد پيش کړي ۔
نوټس مطابق کۀ چري شفيع جان شواهد پيش نۀ کړل نو اليکشن کميشن به په دې نتيجه اورسي چې دغه الزامات بے بنياده وو او د شفيع جان خلاف به د قانون مطابق کاروائي کولې شي ۔
