د خېبرپښتونخوا ګورنر فيصل کريم کُنډي دپنجاب وزيراعلیٰ ته د باني پي ټي آئي اډياله نه بل جيل ته منتقل کولو خواست کړيدې، ګورنر وئيلي چې يو قيدي ته کورني چرګان او د جِم سهولت ورکول د نورو قيديانو سره زياتې دي ۔
چينيوټ کښې ميډيا سره خبرو کښې ګورنرفيصل کريم کُنډي وئيلي چې بائد سهيل آفريدي د اډياله په ځائې خپلې صوبې ته توجو ورکړي ،مونږ غواړو چي باني چيئرمين سره د جيل مينوئل مطابق سلوک اوکړې شي،ځکه چې په يو قيدي کورني چرګان خوړول، د جم سهولت ورکول ،دا د نورو قيديانو سره زياتې دې ۔
ګورنر فيصل کريم کُنډي زياته کړې چي د صوبې بهترۍ لپاره وفاق سره رابطه ساتل ضروري دي، صوبې لپاره چې کوم حق اخستل دي هغه دليل سره اخستل دي، او دا چې د ترهه ګرو سره مذاکرات نشو کولې ۔
فيصل کريم کنډي دا هم وئيلي چي جنګ کښې کاميابي ترلاسه کولو وروستو نړيواله ورورلي پاکستان سره کاروبار کول غواړي، خو کله چې يو غير ملکي وفد پاکستان ته راځي، نو پي ټي آئي والا احتجاجونه شروع کړي ۔
کوهستان سکينډل په اړه ګورنر وئيلي چې صرف پلي بارګين سره دې څوک هم پريښودل نۀ دي پکار ،د کوهستان پنځوس ارب او بلين ټري پشان سکينډلې مخې ته راغلي،تر اوسه په دغه سکينډلز کاروائي نۀ ده شوې، کرپشن کښې ککړ کسان دې اونيولې شي ۔
