د خيبر پښتونخوا ګورنر فيصل کريم کنډي او وزيراعلیٰ علي امين ګنډاپور ډيره اسماعيل خان کښې د طوفان او بارانونو لوجې په شوي ځاني او مالي زيان د خفګان څرګندونه کړې او د شهيدانو کورنيو سره ئې د خواخوږي او یو والی اظھار کړيدې ۔
پيښور: د صوبې دواړو مشرانو په خپل تعزیتي پیغامونو کښې په ډيره سماعیل خان کښې د بارانونو او طوفان لوجې په شوي ځاني او مالي زيان د خفګان اظھار کړې او د ژوبل شوي کسانو لپاره ئے نېکې هيلې څرګندې کړیدي ۔
وزيراعلیٰ او ګورنر متعلقه ادارو ته هدايت کړې چې هغوي دې د ژوبل کسانو علاج معالجې لپاره کوټلي ګامونه پورته کړي او متاثرينو ته دې په سمدستي توګه ريليف او امداد ورکړې
وزيراعلیٰ سردار علی امین ګنډاپور او ګورنر فيصل کريم کنډي ډاډ ورکړې چې حکومت به د متاثره کورنيو ملاتړ کوي او هغوي به يواځې نۀ پرېږدي ۔۔
وزيراعلیٰ او ګورنر زياته کړې چې هغوي د متاثرينو په غم او درد کښې برابر شريک دي او متاثرینو سره مرستو لپاره به ټول وسايل پکار راوستلې شي ۔
بلخوا ګورنر فيصل کريم کنډي د انجمن ھلال احمر ضلعی دفتر چارواکو ته ھدایت کړې چې هغوي دې متاثرہ خاندانونو ته ریلیف لپاره فوري ګامونه پورته کړي ۔
