وزيراعظم په مشرې کښې د ګلګت بلتستان او آزاد کشمير کښې د اوسني پشکال بارانونو لوجې شوې ځاني او مالي نقصانات جائزه اجلاس شوې، اين ډي ايم اے اجلاس ته په نقصاناتو او اقداماتو بريفنګ ورکړې، ټول ملک کښې په مجموعي توګه دوه سوه پنځه نوي کسان مړۀ او اووه سوه نه سيوا ژوبل شوي، وزيراعظم وائي چې حکومت به متاثره کسانو ته امدادي پيکج ورکوي ۔
اسلام آباد: وزيراعظم شهبازشريف په مشرې کښې د ګلګت بلتستان او آزاد کشمير کښې د اوسنې پشکال بارانونو لوجې شوي ځاني او مالي نقصاناتو جائزه اجلاس شوېدې ۔
چئيرمين اين ډي ايم اے دې اهم اجلاس ته د پشکال بارانونو دوران د سيلابونو او لينډ سلائيډنګ لوجې شوي نقصاناتو او اقداماتو بريفنګ ورکړېدې ۔
په دې موقع وزيراعظم شهبازشريف اووئيل چې پشکال بارانونو په نتيجه کښې ځاني او مالي نقصانات شويدي، وفاقي حکومت اولس سره په دې مشکل وخت کښې کلک ولاړ دې، د متاثره شوي علاقو او اولس سره يووالي لپاره به ډير زر د ګلګت دوره کوم او د نقصاناتو به هر ممکن ازالے لپاره وفاقي حکومت لطرفه امدادي پيکيج ورکولې شي ۔
په دې موقع وزيراعظم شهبازشريف ټولو متعلقه ادارو ته په شريکه د بارانونو نه شوي نقصاناتو تخمينه لګولو هدايت هم جاري کړې دې ۔ ۔
وزيراعظم شهبازشريف د هم اووئيل چې مواصلاتو ذرائعو او سړکونو بحالۍ او تعمير و مرمت باندې دې مقامي او متعلقه وفاقي ادارے خصوصي توجه ورکړي ۔
