د خېبر نيټ ورک اينکر پرسن شبانه لياقت المعروف سپنا خان او د هغې د خاندان غړو درک لا هم اونۀ لګيدو ، شبانه لياقت د خپل خاوند او درې بچو سره بابو سر باندې سيلابي ريلے ښکار شوي دي، چې تر دې دمه ئې صرف د سيلامبي ملبې نه ګاډې او د يو ځوئي بټوه (پرس) ميلاو شويدي، بلخوا د ګلګت بلتستان حکومت ترجمان وائي چې ريسکيو ټيمونه مسلسل سرچ آپريشن کښې مصروف دي ۔
د خيبر نيټ ورک اسلام آباد سينټر نامتو اينکر پرسن شبانه لياقت المعروف سپنا خان چې د خپل خاوند او درې بچو سره چکر لپاره ګلګت بلتستان ته تلې وه ۔
سپنا خان او د هغوي د خاندان ګاډې واپسۍ دوران بابوسر ټاپ باندې د سيلابي ريلے ښکار شوې وه، دا پيښه په يوويشتمه جولائۍ مخې ته راغلې ولي تر دې دمه د هغوي هيڅ درک اونۀ لګيدو ۔
تيره ورځ د سيلابي ملبې نه د سپنا خان ګاډې ميلاؤ شوې وو او دوه ورځې وړانډې ئې ملبې نه د ځوئي بټوه( پرس) يو مقامي کس ته ميلاؤ شوې وو ۔
ميلاؤ شوې پرس کښې د هغوي کارډونه موجود وو، او دا تصديق شوې وو چې دغه خاندان د سيلابے ريلے ښکار شوې دې خو څو ورځې تيريدو باوجود ئې هم څه پته نۀ ده لګيدلې ۔
بلخوا خېبرنيوز مسلسل د ګلګت بلتستان حکومت ترجمان فيض الله فراق سره رابطے کښې دې ، هغه وائي چې ريسکيو ټيمونه مسلسل سرچ آپريشن کښې مصروف دي او د سپنا خان لټون لپاره خصوصې ريسکيو ټيمونو د ګلګت بلتستان مختلفو علاقو کښې لټون کښې لګيا دي ۔
