د بلوچستان په قلات ضلع کښې سيکيورټي فورسز په خفيه اطلاع کامياب کاروائي کړېده، آئي ايس پي آر وئيلي دي چې آپريشن کښې بهارتي حمايت يافته څلور ترهه ګر وژلي شويدي، وژلي شوي ترهه ګرو قبضې نه وسله او بارودي مواد هم ترلاسه شويدي ۔
د پاک فوج اطلاعاتو شعبې له لوري جاري بيان کښې وئيلي شوي چې په يکم نومبر سيکويرټي فورسز د بلوچستان ضلعې قلات کښې په خفيه اطلاع کامياب او مؤثر آپريشن کړېدې ۔
آئي ايس پي آر خپل بيان کښې وئيلي چې آپريشن کښې د دښمن ملک بهارت حمايت يافته څلور ترهه ګر خپل انجام ته رسولې شوي دي ۔
آئي ايس پي آر مطابق وژلي شوي ترهه ګرو قبضې نه وسله او ګوله بارود تراسله شوي، دغه وژلي شوي شرخوښي د ترهه ګرۍ يو شمير پيښو کښې ککړ وو ۔
د پاک فوج ترجمان وئيلي چې دغه کاميابې کاروائۍ نه پس سيمه کښې کليئرنس آپريشن جاري دې، عزمِ استحکام لاندې د ترهه ګرۍ خاتمې لپاره جاري مهم پورا قوت سره جاري دې، پاکستان نه به د غير ملکي سرپرستۍ کښې کيدونکې ترهه ګرۍ جرړې په مکمل توګه ختمولې شي ۔
