پنجاب کښې خطرناک سيلابي صورتحال برقرار دې، راوي ،چناب او ستلج سيندونو کښې دلوړې درجې سيلاب ، سيلابي اوبۀ آبادۍ کښې داخل شوې او کلي ډوب شوي ، ګوجرانواله ډويژن کښې د سيلاب نه پينځلس کسان پحق رسيدلي ، لاهور انتظاميه وائي چې راوي سيند غاړو نه آبادي منتقل کړې شوې اوحفاظتي ګامونه اخستي شويدي ۔
لاهور: د بهارت لخوا پريښودې شوې سيلابي اوبو نه راوي ، چناب او ستلج سيندونو ډک شوي ، سيلابي اوبه په سړکونو راغلي او آبادو ته داخل شوي ، اوبو کښې يو شمير کلي مکمل ډوب شويدي ۔
ګوجرانواله ډويژن کښې د سيلاب نه پينځلس پورې کسان پحق رسيدلي، سيالکوټ سيلابي ريله کښې د يوې کورنۍ پينځه کسان ، ګجرات کښې څلور ، نارووال کښې درې ، حافظ آباد کښې دوه او ګوجرانواله ښار کښې يو کس پحق رسيدلې دې ۔
سيالکوټ هم د سيلاب او ريکارډ تيز باران نه ډير متاثره شوې ، سيالکوټ کښې په دويمه ورځ هم تعليمي ادارې بندې ساتلې شوي، او امدادي سرګرمۍ جاري دي ۔
بلخوا د لاهور کمشنر وئيلي چې راوي کښې شاهدره په مقام اوبه خطرناک حد ته نۀ دي رسيدلي ، د علاقې نه خلق محفوظ ځايونو ته منتقل کړې شوي ، نن د اوبو لويه ريله تيريږي ، انتظاميه مکمل الرټ ده ۔
دغه شان د پنجاب اووه ضلعو کښې د سول انتظاميه مدد لپاره فوج تعينات شوې ، فلډ فور کاسټنګ ډويژن مطابق راوي کښې د جسړ په مقام اوويا او شاهدرې په مقام اووه ديرش کاله پس تر ټولو زياتې اوبه راغلي ۔
