سوات سيند کښې شديد طغياني،اتيا کسان سيلابي ريله کښې ګير شوي وو، چې پکښې اووه پنځوس ريسکيو کړې شويدي، په دې کښې د يوې کورنۍ اتلس کسان هم شامل دي،په مجموعي توګه د نهه کسانو مړي راوباسلي شويدي،د لس ډوب شوي کسانو لټوني عمل جاري دې، بلخوا خوازه خيله او د سوات نورو سيمو کښې هم د سيند اوبو سطح خطرناک حده پورې لوړه شويده، مقامي خلقو ته د حفاظتي اقدامات پورته کولو هدايت شويدې ۔
تفصيلاتو مطابق په دريائے سوات کښې شديد طغيانۍ صورتحال دے، چرته چې اتيا پوري کسان سيلابي اوبو کښې ګير شوي وو، چې پکښې اووه پنځوس کسان ريسکيو کړې شوي، د نهه کسانو مړي راوباسلې شوي او د باقي کسانو لټون جاري دې ۔
په دغه پيښو کښې د يوې کورنۍ اتلس کسان هم ډوب شوي وو، چې پکښې څلور مړۀ شويدي، او درې ريسکيو کړې شويدي، دغه کورنۍ د سيالکوټ نه سوات ته چکر لپاره تلې وه ۔
سوات کښي د سيلاب افسوناکې پيښې باوجود صوبائي حکومت او مقامي انتظاميه دومره جوګه نۀ وه چې دغه کسان ئې بچ کړې وې، د يوې کورنۍ اتلس کسان يوې ګهنټې پورې ګير وو،خو په وخت نې ريسکيو کيدو په وجه هغه هم لاهو شوي، خېبر نيوز تيره ورځ د پي ډي ايم اے لخوا الرټ جاري کړې وو ولې ضلعي انتظاميې دومره لاپرواهي ولې کړي ۔
ريسکيو چارواکو وئيلي چې سرچ آپريشن کښې اتيا پوري اهلکارو برخه اخستي ده، او د اوبو تيز بهاو باوجود آپريشن جاري دے ۔
بلخوا خوازه خيله او د سوات نورو سيمو کښې هم د سيند اوبو سطح خطرناک حده پوري لوړه شويده، مقامي خلقو ته د حفاظتي اقدامات پورته کولو هدايت شويدي ۔
