ګلګت بلتستان حکومت د سيلابي تباهۍ نه متاثره شوې د اتۀ ضلعو اووه ديرش کلي آفت زده ګرځولي دي، نوټي فکيشن مطابق دغه علاقو کښې ځاني زيان پشمول کورونو،فصلونو او سړکونو ته هم لوئې نقصانات رسيدلې دې، بلخوا څو ورځې تيريدو باوجود هم د خېبر نيټ ورک نامتو اينکر پرسن شبانه لياقت المعروف سپنا خان، د هغې خاوند لياقت علي او درې بچو هيڅ پته نۀ ده لګيدلې او لټوني عمل جاري دې ۔
د ګلګت بلتستان داخله محکمې لخوا جاري شوي نوټيفکيشن مطابق د صوبې آفت زده ګرځولې شوي علاقو کښې د ګلګت نهه، ديامر دولس، غذر پنځه، سکردو څلور، ګانچهے دوه، شګر درې، نګر او کهرمنګ ضلعو يو، يو کلې شامل دي ۔
د صوبائي حکومت په اعلاميه کښې وئيلي شوي چې دغه علاقو کښې ځاني زيان سره سره کورونو، فصلونو او سړکونو ته هم لوئې نقصانات رسيدلي دي ۔
اعلاميه کښې صوبائي حکومت د دغه نقصاناتو تخمينه شل ارب روپۍ لګولې ده، سيلابونو او لينډ سلائيډنګ دوران تر دې دمه لس کسان پحق رسېدلي او دولس پورې کسان اوس هم بے درکه شويدي ۔
بلخوا څو ورځې تيريدو باوجود هم د خېبر نيټ ورک نامتو اينکر پرسن شبانه لياقت المعروف سپنا خان ، د هغې خاوند لياقت علي او درې بچو هيڅ پته نۀ ده لګيدلې، د ريسکيو ادارو لطرفه د بے درکه کسانو لټوني عمل جاري دې ۔ او خصوصي ټيمونه سيلابه ملبې لټون کوي ۔
