د ګلګت بلتستان په مختلفو برخو کښې سيلاب تباهي خوره کړې، اطلاعاتو مطابق سيلابي اوبو د پنځوست نه سيوا کورونه د ځان سره اوړي دي، بلخوا سيمه کښې ريسکيو آپريشن دوام لري، چې پکښې پاک فوج ځوانان برخه اخلي، متاثرين د هيلي کاپټر په ذريعه محفوظ مقام ته رسولي شويدي ۔
د گلگت بلتستان د بابوسر ټاپ په سيمه کښې سېلابي رېلو لويه تباهي خوره کړې. د صوبايي حکومت وياند په وينا له بابوسر سړک سره تړلي تر پنځوست نه زيات کورونه په بشپړه توګه ويجاړ شوي، او نيزدې اته کلوميټره سړک سخت خراب شوې. په پنځلسو ځايونو کښې لارې بندې شويدي ۔
سېلاب د جينکو يو سکول، دوه هوټلونه، هائيډل پراجيکټ، د غنمو ګودام، پوليس چوکۍ، او د سياحتي پوليسو شلټر هم له منځه وړي دې ۔
څلور رابطه پلونه هم د سېلاب له کبله وران شوي، او زرګونه فټه قېمتي ودانۍ لرګي سېلاب وړي دي،د شپې له تيارې لوجې عمليات وځنډېدل، خو سحر وختي د ورک شوؤ کسانو د موندنې لپاره عمليات بيا پيل شوي ، او د بيا رغونې لپاره درنه مشينرۍ هم سيمې ته رسېدلې ده ۔
تر دې دمه تر پنځونه زيات بهرني او مقامي سيلګرو چې د سيمې خلقو په کورونو کښې ئې پناه اخستې وه، چلاس ته منتقل کړې شويدي ۔
د رغورنې عملياتو کښې د پاکستان فوج هم فعاله برخه اخلي، او د هيلي کاپټر د لارې د متاثره سيمو خلقو ته خوراکي سامان رسول کېږي ۔
تيره ورځ تباه کن سيلاب کښې درې سيلانيان پځق رسيدلي وو او پنحلس پورې بے درکه شوي وو ۔
