فيلډ مارشل عاصم منير بيجنګ کښې د چين نائب صدر، خارجه وزير او عسکري قيادت سره اهم ملاقاتونه کړي ،آئي ايس پي آر ترمخه دې ملاقاتونو دوران د شريکې دلچسپۍ په معاملو، دوه اړخيزه اړيکو پراختيا او سي پيک منصوبې پشمول د سيمې په صورتحال او نورو اهم چارو باندې د خيالاتو بدلون شوېدې،د چين قيادت سيمې امن او استحکام او ترهه ګرۍ مخنيوي لپاره د پاک فوج پيشه ورانه صلاحيتونو ستائنه کړيده ۔
د پاک فوج اطلاعاتو شعبې له لوري جاري بيان کښې وئيلي شوي چې فيلډ مارشل عاصم منير د چين سرکاري دورې په موقع ملاقاتونو کښې د پاک چين سټريټجک شراکت دارۍ بيا توثيق شوې دې ۔
آئي ايس پي آر وئيلي دي چې ملاقاتونو کښې علاقائي او عالمي سياسي صورتحال باندې هم خبرې شوي ، د سي پيک لاندې رابطې زياتولو او مشترکه جغرافيائي سياسي چيلنجز په اړه هم د خيالاتو بدلون شوې دې ۔
په دې موقع د چين قيادت جنوبي ايشيا کښې د امن او استحکام لپاره د پاکستاني فوج کردار هم سائلې دې ۔
آئي ايس پي آر ترمخه فيلډ مارشل عاصم منير وائس چئيرمين سينټرل ملټري کميشن جنرل ژانګ هوشيا ، پيپلز لبريشن آرمي پوليټيکل کمشنر جنرل چن هوئي او چيف آف سټاف ليفټيننټ جنرل کائي ژائي جن سره ملاقاتونه کړي دي ۔
د پاک فوج ترجمان مخکښې وئيلي چې دغې ملاقاتونو کښې په دفاعي ، سيکيورټي تعاون او ترهه ګرۍ مخنيوي په چارو خبرې شويدي ۔
