وفاقي وزير خزانه محمد اورنګزيب قامې اسمبلۍ کښې راتلونکې مالي کال لپاره د اوولس زره، پنځه سوه دري اوویا ارب روپې بجټ وړاندې کړې، د سرکاری ملازمینو تنخواګانو کښې لس او پنشن کښې اووه فیصده اضافه شوې، د ضم اضلاع لپاره په بجټ کښې پنځه شپیته اربه څلور څلویښت کروړه روپۍ ایښودې شوې، په بجټ کښې دفاع لپاره دوه زره پنځه سوه پنځوس اربه روپۍ مختص شويدي ۔
وفاقي حکومت لخوا پنشن سکيم کښې اصلاحات شوي،بجټ تقرير کښې وزير خزانه وئيلي چې د شريک حيات مرګ نه پس فيملي پنشن مدت لس کاله ته محدود کړے شوې، د يو نه سيوا پنشنز ختم کړې شوي، د ريټائرمنټ وروستو دوباره ملازمت صورت کښې به پنشن يا تنخواه کښې د يو انتخاب کول وي، د سکيم مطابق پنشن کښې اضافه د کنزيومر پرائس انډيکس سره تړلې شويده ۔
وزيرخزانه محمداورنګزيب وئيلي چې بجټ کښي بے نظيرانکم سپورټ پروګرام لپاره اووه سوه شپاړس ارب روپۍ مختص کولو تجويز دې، د بي آئي ايس پي په بجټ کښې د تير کال په نسبت يوويشت فيصد اضافه شويده ۔
وفاقي وزير وئيلي چې بلوچستان ريکوډک منصوبے سره به ملک ته پنځه اوويا ارب ډالرز ترلاسه کيږي، ريکوډک کښې د تانبے او سرو زرو کانونه زمونږ د مستقبل مهم اثاثه ده، دا منصوبه به د پاکستان معيشت لپاره ګيم چينجر ثابتيږي ۔
د وزير خزانه بجټ تقرير دوران اپوزيشن ليډر د خبرو اجازت غوښتې،ولې سپيکر هغۀ ته اجازت نۀ دې ورکړې،د خبرو اجازت نۀ ميلاويدو باندې اپوزيشن اراکينو ايوان کښې چغې سورې وهلي ، مسلسل احتجاج ئې کړې او د بجټ کاپيانې ئې هم شلولې دي ۔
بلخوا وفاقي بجټ باندې د سرحد چيمبر آف کامرس ردعمل مخې ته راغلې، خپل يو بيان کښې سرحد چيمبر وفاقي بجټ مسترد کړې دې، غضنفر بلو وئيلي چې وفاقي بجټ ملک دښمن بجټ دې ،مونږ په هيڅ صورت بجټ منلو ته تيار نۀ يو، حاجي محمد افضل وئيلي چې وفاقي بجټ خلاف به احتجاج شروع کوؤ، او دې لړ کښې به تګ لاره جوړولې شي ۔
