باجوړ کښې د سيکيورټي فورسز په قافله بمي چاودنه شويده، ذرائع وائي چې چاودنه کښې دوه اهلکار شهيدان او اتلس ژوبل شويدي، د چاودنې وروستو سيکيورټي فورسز سيمه ولقه کښې اخستې او د شرخوښو خلاف ئې سرچ آپريشن شروع کړېدې ۔
باجوړ ماموند اووه ويشت علاقو کښې آپريشن سربکف په دويمه ورځ هم جاري دې ، صديق آباد پهاټک سره نيزدې د سيکيورټي فورسز په ګاډي چاودنه شوې چې پکښې دوه اهلکار شهيدان او اتلس ژوبل شويدي ۔
د سيکيورټي ذرائعو ترمخه باجوړ ماموند تحصيل اووه ويشت علاقو کښې د ترهه ګرو خلاف ټارګټډ آپريشن دوران سيکيورټي ادارو ته د زيان رسيدو افسوسناکه پيښه رامخې ته شويده ۔
صديق آباد پهاټګ سره نيزدې ترهه ګرو د سيکيورټي فورسز قافله په نښه کړې ، د امنيتي ادارو په ګاډي شوې بمي چاودنه کښې دوه اهلکار شهيدان شوي دي ۔
چاودنه کښې اتلس نور سيکيورټي اهلکار ژوبل شوي هم دي چې پکښې د درې اهلکارانو حالت نازک ښودلې کيږي ، ژوبل اهلکار هسپتال ته منتقل کړې شوي ، د چاودنې وروستو علاقه کښې په لويه پيمانه سرچ آپريشن هم شويدې ۔
ماموند تحصيل محدو علاقه کښې د آپريشن سربکف دوران د باجوړ لوئې سړکونو باندې لګولې شوې کرفيو په دوئمه ورځ هم نافذ ده ، انتظاميه وائي چې د سيکيورټي فورسز نقل و حرکت دوران سخت کوټلي ګامونه پورته کړې شويدي ۔
