د پنجاب وزيراعلیٰ مريم نواز د هيلي کاپټر په ذريعه ميا چنو کښې د قومي هيرو ارشد نديم کور ته تلې چرته چې د اولمپئن او د هغه کورنۍ د هغې هرکلے کړېدې ۔
وزيراعلیٰ مريم نواز د ارشد نديم مور رضيه پروين سره هم ميلاؤ شوې او هغې ته ئې د ځوئي په کاميابۍ اومبارکي ورکړه ۔
په دې موقع مريم نواز د ارشد نديم کورنۍ غړو سره تصويران اوباسلي سيلفييانۍ ئي هم جوړ کړيدي ۔
د پنجاب وزيراعلیٰ مريم نواز اولمپئن ارشد نديم ته د لس کروړه روپو چيک ډالۍ کړې او د يو نوي ګاډي تحفه ئې هم ورکړيده ۔
د پنجاب وزيراعلیٰ مريم نواز د سرو زرو مډال ګټونکي اولمپئن او د قامي هيرو ارشد نديم کوچ سلمان اقبال بټ ته هم د پنځه لکه روپو چيک ورکړېدې ۔
په دې موقع مريم نواز اووئيل ارشد نديم قوم ته بې مثاله خوشحالۍ راوړي دي ۔
په دې موقع د مريم نواز سره سينئر وزيره مريم اورنګزېب، د لوبو وزير فيصل ايوب ،مرستيال ذيشان ملک او نور غړي هم موجود وو۔
