موسمياتو محکمې د خېبر پښتونخوا زياتره ضلعو کښې د سبا ماښام څخه د پړق پړوق او تيزو هواګانو سره د باران امکان څرګند کړېدې، بلخوا پي ډي ايم اے ټولو ضلعي انتظاميو ته د باران لوجې د هر قسمه بدو پيښو مخنيوي لپاره مراسله هم جاري کړيده ۔
پي ډي ايم اے خېبرپښتونخوا طرف نه جاري شوې بيان ترمخه سبا ماښام نه د خېبر پښتونخوا زياتره ضلعو کښې د پړق پړوق او تيزو هواګانو سره د باران وريدو امکان دې ، د باران دا لړۍ به وقفې وقفې سره د خالي ورځې پورې جاري وي ۔
پي ډي ايم اے بيان کښې وئيلي شوي چې چترال، دير، سوات، هزاره ډويژن، ملاکنډ ډويژن،بونير، باجوړ، مومند، خېبر، اورکزئي ، کرم، وزيرستان، پيښور،چارسده او جنوبي اضلاع کښې د پړق پړوق سره د باران وريدو امکان دې ۔
پي ډي ايم اے په سيلګرو هم غږ کړې چې هغوي دې د موسمي حالاتو نه ځان باخبره ساتلو دپاره احتياطي تدابير خپل کړي او د هر قسمه بدې پيښې اطلاع دې د پي ډي ايم اے ايمرجنسي آپريشن سروس ته ورکړي ۔
