پنډۍ کرکټ ګراؤنډ کښې لوبيدلې د آئي سي سي چيمپيئنز ټرافي شپږم ميچ کښې نيوزي لينډ ټاس ګټلې وو او بنګله ديش ته ئې د بيټنګ بلنه ورکړې وه ۔
بنګله ديش مقرره اوورونو کښې نهه وکټو په زيان دوه سوه ، شپږ ديرش رنز جوړ کړي وو ، چې پکښې ټولو نه زيات نجم الحسن شانتو اووه اوويا رنز باندې آؤټ شوې وو ۔
ذاکر علي پنځه څلويښت، راشد حسين شپږ ويشت او تنزيد حسن په څليريشت رنز آؤټ شوي وو،نيوز لينډ طرف نه مائيکل براس ويل څلور وکټې په خپل نوم کړې وې ۔
نيوزي لينډ د دوه سوه، اووه ديرش رنز هدف پنځه وکټو په زيان اووه څلويښتم اوور کښې پورا کړې او د ايونټ سيمي فائنل ته ئې کواليفائي کړېده ۔
نيوزي لينډ طرف نه راچن رويندرا شانداره سنچري سکور کړې اوټولو نه زيات يو سل دولس رنز ئې جوړ کړي، ټام ليتهم په پنځه پنځوس رنز آؤټ شويدې ۔
بنګله ديش طرف نه تسکين احمد، ناهيد رانا، مستفيض الرحمان او راشد حسين يو ، يو وکټ په خپل نوم کړې وې، شاندار يو سل دولس رنز جوړولو باندې راچن رويندرا د ميچ بهترين لوبغاړې ګرځولې شويدې ۔
دا ميچ ګټلو سره نيوزي لينډ د چيمپيئنز ټرافي سيمي فائنل ته کواليفائي کړې او پاکستان د دغه زغل نه پاتې شويدې، دې نه وړاندې بهارت هم دوه ميچونه ګټلو سره ګروپ اے نه سيمي فائنل ته کواليفائي کړې وه ۔
