چيئرمين پيپلز پارټي بلاول بهټو زرداري ملک کښې د زرعى ايمرجنسۍ لګولو غوښتنه کړې او وئيلى دي چې ټول ملک کښې سيلابى صورتحال دې ، پنجاب کښې سيلاب نه متاثره علاقو کښې ريسکيو آپريشن روان دې،بلاول بهټو دا هم وئيلي چې سندھ حکومت د سيلاب مخنيوي لپاره ټولې ضروري تيارۍ مکمل کړيدي ۔
د پيپلزپارټۍ چيئرمين بلاول بهټو زردارى د سکهربيراج دوره کړېده، په دې موقع بلاول بهټو ته موجوده سيلابى صورتحال په اړه مکمل بريفنګ ورکړې شوېدې ۔
بلاول بهټو اووئيل چې چې ګلګت بلتستان ، خېبرپښتونخوا او پنجاب سيلاب نه زيات متاثر شوي او دا ئې هم وئيلى چې ملتان ، قصور،جلال پور او پيروالا کښې صورتحال ښۀ نه دې ۔
چئيرمين پيپلزپارټۍ اووئيل چې سيلاب متاثرين به کله هم يواځې نه پريږدو او د دوي به هر ممکن مرستې جاري ساتلي شي ۔
بلاول زياته کړه چې بي آئي ايس پي متاثرينو ته ريليف ورکولو لپاره ډيره ښۀ طريقه ده او سندھ حکومت د سيلاب مقابله کولو صلاحيت لري ۔
هغۀ زياته کړې چې سندھ حکومت د سيلاب مخنيوي لپاره ټولې ضروري تيارۍ مکمل کړي، سيلاب نه متاثره علاقو نه د خلقو ويستو او څاروي محفوظ ځايونو ته د منتقلې عمل روان دې ۔
