د بنو په ميريان سيمه کښې ترهه ګرو د ترهه ګرۍ مخنيوي ادارې اهلکارانو په کورونو حملې کړي،شرخوښو د سي ټي ډي اهلکار ګلاپ نياز کور په بمونو الوزولې او د لقمان کور الوزولو کوشش ئې هم کړيدې، ولې د مقامي خلقو په فوري جوابي کاروائۍ حمله کونکي په تيښته مجبوره شويدي ۔
بنو: پوليس ذرائعو وئيلي چې ترهه ګرو هويد سيمه کښې د ترهه ګرۍ مخنيوي ادارې يعنې سي ټي ډي پوليس اهلکار ګلاپ نياز خالي کور په بمونو الوزولی دې ۔
پوليس مطابق حملې په وخت په کور کښې هيڅوک هم موجود نۀ وو چې لوجې ئې څه قسمه ځاني زياننۀ دې شوې ۔
بلخوا شرخوښو نورړ علاقې داردړيز سيمه کښې د سي ټي ډي يو بل اهلکار لقمان په خالي کور هم حمله کړې ده او د کور الوزولو کوشش ئې هم کړيدې ۔
د حملې وروستو مقامي خلقو په فوري جوابي کاروائۍ دا حمله ناکامه کړې او حمله کونکي شرخوښي په تيښته مجبوره شوي دي ۔
ذرائعو مطابق دې دواړه پيښو کښې څه قسمه ځاني زيان نۀ دې شوې ،د پيښې وروستو پوليس دواړه سيمو ته ورغلي او سرچ آپریشن ئې شروع کړيدې ۔
