بنګله ديش کرکټ بورډ خپل ټيم ټي ټوئنټي ورلډ کپ لپاره بهارت ته د نۀ ليږلو اعلان کړيدې بي سي بي د بهارت لخوا مستفيض الرحمان د آئي پي ايل نه خارج کولو وروستو دغه اعلان کړې، ورلډ کپ ميچز کښې د بنګله ديش ټيم درې ميچونه په کولکته او يو په ممبۍ کښې شيډول وو،بلخوا د بنګله د لوبو مرکزي مشير د بي سي بي د فيصلې هرکلې کړې او وئيلي دي چې کرکټ ټيم به د بهارت دوره نۀ کوي ۔
ډهاکه: د بنګله ديش کرکټ بورډ طرف نه جاري شوې اعلاميه کښې وئيلي شوي چې د بي سي به بورډ آف ډائريکټر اهمه غونډه شوې، چې پکښې راتلونکي مياشت کښې بهارت او سري لنکا کښې شيډول د ټي ټوينټي ورلډ کپ په حواله غور شويدې ۔
اعلاميه کښې وئيلي شوي چې غونډه کښې د تير څليريشت ګهنټو دوران کرکټ په حواله شوې پيشرفت تفصيلي جاج اخستې شوي دې ۔
اعلاميې ترمخه غونډې د بنګله ديش کرکټ ټيم ټي ټوينټي ورلډ کپ ميچونو لپاره بهارت ته نۀ ليږلو فيصله کړېده ۔
اعلاميه کښې دا هم وئيلي چې د بنګله ديش کرکټ بورډ دغې فيصلې نه انټرنيشنل کرکټ کونسل خبر کړې شوې، او طمع څرګند شوې چې دې لړ کښې به آئي سي سي فوري جواب ورکوي ۔
بلخوا د بنګله ديش د لوبومشير د کرکټ بورډ د دغې فيصلې هرکلې کړې او وئيلي دي چې ټيم به د بهارت دوره نۀ کوي ۔
هغه اووئيل چې بهارت کښې د هندو شرخوښو په دباؤ کښې مستفيض الرحمان د آئي پي ايل ميچونو څخه لرې کړې شوې، چې لوجې ئې دا کشيدګي نوره سيوا شويده ۔
ذرائعو وئيلي چې بنګله ديش کرکټ بورډ ټي ټوينټي ورلډ کښې خپل ميچونه سري لنکا کښې کولو خواهش لري او دې لړ کښې ئې خپلې فيصلې نه آئي سي سي خبر کړېدې ۔
