بلوچستان اسمبلۍ کښې د يو زر ، اتۀ ويشت ارب روپۍ بجټ وړاندې شويدې،وزير خزانه مير شعيب نوشيرواني بجټ وړاندې کړې ،او وئيلي دي چې د سرکاري ملازمينو تنخوا کښې لس فيصد او پنشن کښې اووه فيصد اضافې تجويز دې ۔
کوئټه: بلوچستان اسمبلۍ کښې وزير خزانه شعيب نوشيرواني بجټ وړاندې کړې او زياته کړې ئې ده چې صوبائي حکومت په ډيره لګه موده کښې يو شمير لوئې کاميابۍ ترلاسه کړيدي ۔
صوبائي وزير خزانه شعيب نوشيرواني په ډاګه کړه چې روان مالي کال دوران سل فيصده ترقياتي بجټ استعمال کړې شوې ، د کوم سره چې د بلوچستان په ترقياتي کارونو کښې نمايا بهتري راغلې ده ۔
مير شعيب نوشيرواني اووئيل چې د راتلونکي کال مالي بجټ کښې تعليم لپاره اتۀ ويشت ارب او صحت لپاره شپاړس ارب روپۍ مختص کړې شويدي ۔
هغهه اووئيل چې ترقياتي منصوبو لپاره دوه سوه، نهه څلويښت اعشاريه پنځه ارب روپۍ او غير ترقياتي منصوبو لپاره شپږ سوه، دوه څلويښت ارب روپۍ ايښودې شويدي ۔
صوبائي وزير خزانه اووئيل چې روان مالي کال دوران د ترقياتي بجټ يوويشت فيصد په سړکونو ، اتلس فيصد په اوبه خور ، ديارلس فيصد تعليم ، اتۀ فيصد په صحت او دوه اعشاريه درې فيصد توانائۍ لپاره ايښودې شوې وې ۔
شعيب نوشيرواني اووئيل چې د تعليمي شعبې بهترۍ لپاره صوبائي حکومت د دري ويشت ارب روپۍ نه زيات رقم خرچ کړې ، اولس ته د څښکلو صفا اوبو فراهمۍ ، ډيمونو تعمير او د اوبو نورو منصوبو لپاره شپږ څلويښت ارب روپۍ خرچ کړې شويدي ۔
صوبائي وزير خزانه زياته کړې چې د راتلونکي مالي کال بجټ کښې دصحت مختلف منصوبو لپاره او د نوې آساميانو ترقۍ مد کښې شپاړس ارب څلويښت کروړ او غير ترقياتي مد کښې يو اوويا ارب روپۍ مختص کړې شوي ۔
مير شعيب نوشيرواني وئيلي چې د راتلونکي مالي کال بجټ دوه څلويښت ارب روپۍ سرپلس دې، د روان مالي کال ټول ترقياتي بجټ خرچ کړې شوې او ټولو منصوبو کښې شفافيت هم يقيني کړې شويدې ۔
