بلوچستان کښې د غيرت په نوم وژلې شوې زنانه او نارينه پوسټ مارتم رپورټ مخې ته راغلې کوم کښې چې انکشاف شوې چې زنانه اووه او نارينه په نهه ډزو ويشتي شوي وو، بلخوا وزيراعظم شهبازشريف د پېښې په سختو ټکو کښې مذمت کړې او د پېښې تحقيقاتو حکم ئې کړېدې ۔
د بلوچستان سرښار کوئټې سره نيزدې مارګټ علاقه کښې د قتل کړې شوې زنانه او نارينه قبر د عدالت په حکم سپړدې شوې او د دواړو مړو باقيات هسپتال ته منتقل کړې شوي، د کوم وروستو د نمونو نه د ډي اين اے او نادرا نه د تصديق کولو فېصله شوې ۔
د مړو پوسټ مارټم کونکې پوليس سرجن عائشه فيض مطابق دغه دواړه تنان په څلورم جون وژلي شوي، د زنانه عمر اووه ديرش کاله دې او هغه په سر او سينه اووه ډزه ويشتې شوېدي ۔
پوليس مطابق د زنانه په لاس نور بانو نوم ليکلې شوې وو چې تعلق ئې ستکزئى قبيلې سره ښودلې کيږي بلخوا د قتل شوې هلک نوم احسان الله د او عمر ئې خواؤشا پنځه ديرش کاله وو او هغه په سينه او خيټه نهه ګولې ويشتې شوېدې ۔
بلخوا وزيراعظم شهبازشريف بلوچستان کښې د دې قتل په سختو ټکو کښې مذمت کړې او د پېښې تحقيقاتو حکم ئې هم کړې دې ۔
وزيراعظم شهبازشريف په دې پېښه وزيراعلى بلوچستان سره رابطه کړې او د پېښې فورى او شفاف تحقيقاتو هدايات ئې جاري کړيدې ۔
وزيراعظم وئيلي چې پېښه کښې ملوث کسانو ته دې د قانون مطابق سخت نه سخت سزا ورکړې شي، او دا چې څوک هم د قانون نه بالا تر نۀ دې او چا ته به هم قانون لاس کښې د اخستو اجازت ورنکړې شي ۔
