د خېبرپښتونخوا سرښار پيښور کښې يو ځل بيا ترهه ګرو حمله او صدر کښې ئې د فيډرل کانسټيبلري يعنې ايف سي هيډکوارټر په نښه کړېدې، يو خودکش حمله آور د ايف سي هيډکوارټر ګيټ مخې ته خپل ځان الوزولې ، سيکيورټي اهلکارو نور دواړه حمله کونکي وژلي دي، دې دوران د ايف سي درې اهلکاران هم شهيدان شوي، او دوه نور سخت ژوبل شويدي ۔
د پيښور کيپيټل سټي پوليس آفيسر ډاکټر ميا سعيد وئيلي دي چې ترهه ګرو د ايف سي په هيډکوارټر حمله کړې، د ايف سي بهادر ځوانانو دغه حمله ناکامه کړې ده ۔
سي سي پي او مطابق د ترهه ګر خودکش حملې نه پس سيمه کښې د ډزو شديد آوازونه هم تر غوږو شوي وو، يو حمله آور د ايف سي هيډکوارټر مرکزي ګيټ مخې ته خپل ځان الوزولې دې ۔
ډاکټر ميا سعيد اووئيل چې ايف سي اهلکارانو د ترهه ګرو بهادرۍ سره مقابله کړې او نور دوه حمله کونکي ئې په وخت او فوري کاروائۍ دوران خپل انجام ته رسولي دي ۔
سي سي پي او مخکښې اووئيل چې دې دوران د ايف سي درې ځوانان هم شهيدان شوي او دوه نور سخت ژوبل شوي هم دي، سيکيورټي اهلکارانو سيمه خپله لقه کښې اخستې او نورې پلټنې ئې پيل کړېدي ۔
هغۀ زياته کړې چې د ايف سي بهادر ځوانانو په وخت په حمله کونکو ډزې کړې وې او درې واړه ئې هيډکوارټر ته دننه تلو نه منع کړې او وژلي شويدي ۔
بلخوا آئي جي خېبرپښتونخوا ذوالفقار حميد وئيلي چې ترهه ګرو د ايف سي هيډکوارټر دننه تلو کوشش کولو ،کوم چې فوري ناکامه کړې شوې، او درې واړه حمله کونکي د ايف سي اهلکارو په ډزو وژلي شويدي ۔
وزيراعظم شهبازشريف د ايف سي په هيډکوارټر د ترهه ګرو د حملې په سختو ټکو کښې غندنه کړې او وئيلي دي چې د سيکيورټي فورسز په وخت کاروائۍ سره مونږ د لوئې ځاني زيان نه بچ شوي يو ۔
وزيراعظم د ايف سي ژوبل اهلکارو ته بهترين طبي سهوليات فراهم کولو هدايت کړې او د هغوي زر صحتيابۍ لپاره ئې دعا هم کړېده ، وزيراعظم وئيلي چې د حمله کونکو شناخت دې زر تر زره اوکړې شي او خپل انجام ته اورسولې شي ۔
بلخوا وزير داخله محسن نقوي د پيښور حمله ناکامه کولو باندې ايف سي اهلکارو ته خراج تحسين وړاندې کړې او د ترهه ګر د حملې ئې په سختو ټکو کښې مذمت کړېدې ۔
محسن نقوي اووئيل چې ايف سي اهلکارو بهادرۍ سره د ترهه ګرو حمله ناکامه کړې ، ترهه ګر خپل انجام ته رسولو باندې سيکيورټي اهلاکرو ته سلام پيش کوؤ ۔
