خيبرپښتونخؤا اسمبلۍ کښې مخصوص نشستونو باندې منتخب اراکينو حلف پورته نکړو او د اسمبلۍ اجلاس څليريشتن جون پورې ملتوي کړي شو ، دصوبائي اسمبلۍ کښې اپوزيشن ليډر ډاکټر عبادلله اعلان کړې چې د مخصوص نشستونو اراکينو نه حلف نۀ اخستو معامله به هائيکورټ کښې چيلنج کوي ۔
پيښور: د سپيکر بابرسليم سواتي مشرۍ کښې د خېبر پښتونخؤا اسمبلۍ اجلاس دوه ګهنټې ناوخته شروع شوې وو او د مخصوص نشستونو منتخب اراکينو نه حلف اخستو بغير لږ ساعت پس ملتوي شويدې ۔
په دې موقع ايوان کښې اپوزيشن اراکينو چغې سورې هم وهلي او زنانؤ غړو هم خپل احتجاج ريکارډ کړې دې ۔
اپوزيشن ليډر ډاکټر عباد الله اووئيل چې آخر داسې به تر څو چليږي، يو کال نه سيوا وخت تير شو ،ولې اوسه پورې په مخصوص سيټونو منتخب اراکينو حلف پورته نکړو ۔
ډاکټر عباد الله اووئيل چې مخصوص نشستونو باندې منتخب اراکين نه حلف نۀ اخستو معامله به هائيکورټ کېښ چيلنج کولې شي، او چيف جسټس ته به خواست کولې شي چې پخپله د مخصوص نشستونو منتخب اراکين نه حلف واخلي يو ورته بل څوک نامزد کړي ۔
د صوبائي اسمبلۍ اپوزيشن ليډر مخکښې اووئيل چې د حکومت اور اپوزيشن ترمينځ شپږ او پنځه فارمولا باندې مونږ کلک ولاړ يو او دا معاهده اوس هم په خپل ځائې موجود ده ۔
غونډه شروع کيدو نه لږ ساعت پس د اسمبلۍ غړي شير علي آفريدي ايوان کښې د نامکمل کورم نشاندهي اوکړه، د کوم وروستو چې د اراکينو اسمبلۍ ته راتلو لپاره ټلۍ اوټنګولې شوې ۔
ټلۍ ټنګولو باوجود حکومتي اراکين ايوان ته حاضر نه شو، چې لوجې ئې سپيکر د اسمبلۍ اجلاس پريښودو او غونډه څليريشتمې جولائي پورې ملتوي کړې شوه ۔
