د ايشين کرکټ کونسل صدر محسن نقوي د ايشيا کپ ټورنامنټ د تاريخونو اعلان کړېدې، ميګا ايونټ به نهم نه تر اتۀ ويشتم ستمبر پورې متحده عرب امارات کښې لوبيږي، ايونټ کښې به د پاکستان او بهارت اولنې ميچ په څوارلسم ستمبر وي، دويم ميچ په يويشتم ستمبر کيدو امکان دې، د دواړو ټيمونو فائنل ته رسيدو صورت کښې دريم ميچ هم ممکن دې ۔
د ايشين کرکټ کونسل صدر او پاکستان کرکټ بورډ چيئرمين محسن نقوي د ايشيا کپ شيډول اعلان خپل بيان کښې کړېدې ۔
محسن نقوي وئيلي چې ايشيا کپ به متحده عرب امارات کښې د نهم ستمبر نه تر اتۀ ويشتم ستمبر پورې لوبيږي
د اے سي سي صدر اووئيل چې ايونټ کښې پاکستان، بهارت، افغانستان، سري لنکا، بنګله ديش ، يو اے اي، عمان او هانګ کانګ شرکت کوي ۔
محسن نقوي اووئيل چې ټورنامنټ کښې به مينه والو ته بهترين کرکټ په نظر راځي بلخوا د ميچونو د تاريخ اعلان هم شويدې ۔
ايشا کپ کښې به اولنې ميچ په نهم ستمبر د افغانستان او هانګ کانګ ترمينځ لوبيږې ، د پاکستان او بهارت اولنۍ مقابله به په څوارلسم ستمبر وي ۔
دپاکستان اولنې ميچ به په دولسم ستمبر عمان او دريم ميچ به په اوولسم ستمبر يو اے اي خلاف لوبيږي ۔
