د خېبر پښتونخوا وزير اعلیٰ سهيل آفريدي په مشرۍ کښې د سپيشل برانچ پوليس په حواله اهمه غونډه شوېچې پکښې سپيشل برانچ پوليس جدا يونټ جوړولو منظوري ورکړي شويده، غونډه کښې د دولس سوه يو ويشت اهلکارو بهرتي کولو لپاره د آسامو پيدا کولو اصولي منظوري هم ورکړې شوېده، غونډه کښې دانفراسټرکچر لپاره د اتلس سوه شل ملينه موټر وهیکلز لپاره د نهه سوه څلور اعشاريه اووۀ ملین روپو منظوري هم ورکړې شويده ۔
پيښور: د خېبر پښتونخوا د وزير اعلیٰ سهيل آفريدي په مشرۍ کښې تر سره شوې غونډه کښې سپيشل برانچ ته په باقاعده توګه د بيل يونټ درجه ورکولو منطوري ورکړې شويده ۔
غونډې ته د وينا په وخت وزير اعلیٰ اووئيل چې سپيشل برانچ ته به د ضرورت مطابق دوه کم سل ګاډي او څلور سوه څلور موټرسائيکلې ورکولې شي، چې ورسره به سپيشل برانچ صوبه کښې امن قائمولو او د جديدو تقاضو تر مخه خپلواکه کولې شي ۔
وزير اعلیٰ زياته کړې چې د ضم شوو قبائيلي ضلعو درې سوه اتۀ اهلکار به هم دسپيشل برانچ برخه جوړولې شي او دا چې په کال دوه زره پينځۀ ويشتم کښې سپيشل برانچ دوه خودکش جيکټونه ، دوه ديرش آئي ډيز ، اوويا راکټ شيلز او دوه سوه اتۀ اتيا لاسي بمونه ناکاره کړيدي ۔
