د پاکستان او تاجکستان ترمينځ د ترهه ګرۍ مخنيوي مشقونه دوستي ټو سر ته رسيدلي دي، آئي ايس پي آر وئيلي چې دغه مشقونه تاجکستان کښې څلورم نه تر نهم اګست پورې جاري وو،مشقونو کښې د پاک فوج لائټ کمانډو بټالين دوه جنګي ټيمونو برخه اخستې ده ،د پاکستان ډيفنس اتاشي کرنل محمد معظم ظفر د مشقونو د اختتامي دستورې مشر ميلمه وو ۔
آئي ايس پي آر طرف نه جاري شوې بيان کښې وئيلي شوي چې د تاجکستان په فخروبود بيس باندې د پاکستان او تاجکستان ترمينځ د ترهه ګرۍ خاتمې لپاره شپږ ورځو باندې دوستي ټو نومې مشقونه سر ته رسيدلي دي ۔
آئي ايس پي آر وئيلي دغه مشقونو کښې د پاک فوج لائټ کمانډو بټالين دوه جنګي ټيمونو او د تاجکستان سپيشل فورسز څلور جنګي ټيمونو برخه اخستې ده ۔
ترجمان وئيلي چې مشقونو کښې ټول تربيتي او عسکري سفارتکارۍ اهداف کاميابۍ سره حاصل کړې شويدي ۔
ترجمان دا هم وئيلي چې د دواړو ملکونو دستو د پيشه ورانه مهارت اعلیٰ ترين معيار مظاهره کړې ، چې مقصد ئې ترهه ګرۍ خلاف آپريشنز کښې حربي طريقه کار او تکنيک مزيد غوره کول وو ۔
