پاکستان خلاف د بهارتي پروپيګنډې يوه بله حربه ناکامه شوېده، وفاقي وزيرانو عطا تارړ او طلال چودهري وئيلي دي چې بهارت اعجاز ملاح نومي تن په خفيه مشن پاکستان ته راليږلې وو ولې سيکيورټي فورسز هغه ګرفتار کړې دې ۔
اسلام آباد کښې د داخله چارو وزير مملکت طلال چودهري سره شريکې خبري غونډې ته وينا کښې وزير اطلاعات عطا الله تارړ وئيلي چې بهارت نه د معرکه حق کاميابي نۀ هضميږي ۔
عطا تارړ په دې موقع د اعجاز ملاح اعترافي بيان هم اورولې دې، اعجاز ملاح خپل بيان کښې وئيلي چې زۀ کبان نيولو ته سمندر ته تلي ووم او بهارتي ادارو ګرفتار کړې ووم ۔
اعترافي بيان کښې اعجاز ملاح وئيلي چې ما د پاکستاني خفيه ادارو د افسرانو تصويران بهارت ته ليږلي وو،چې بيا دوباره سمندر ته لاړم نو پاکستانې ايجنسي ګرفتار کړم ۔
اعجاز ملاح خپل اعترافي بيان کښې تصديق کړې چې د پاکستان خلاف د دروغو بيانيه جوړولو لپاره را ايجنسۍ هغه د پاکستان آرمي،رينجرز او نيوي ورديانې، پاکستاني کرنسي او سګريټ راوړولو لپاره پاکستان ته ليږلې وو ولې سيکيورټي چارواکو ګرفتار کړې ووم ۔
په دې موقع د داخله چارو وزير مملکت طلال چودهري اووئيل چې دا د بهارت پروپيګنډه آپريشن وو ، کوم چې ناکامه شويدې
طلال چودهري مطابق اعجاز ملاح ته بهارت لخوا د زرګونو روپو لالچ ثبوتونه موجود دي ، بهارت ته وئيل غواړو چې د پاکستان سيکيورټي ادارې چمتو دي او د بهارت په هر قسمه مهم ئې نظر دې ۔
