باجوړ کښې د پاک فوج کامياب آپريشن نه پس ترخو سيمه کليئر کړې شوې، او ضلعي انتظاميې لخوا دې سيمې نه نورو علاقو ته کډې کونکو ته خپلو سيمو ته د تلو اجازت ورکړې شوې دې ۔
د باجوړ ضلعي انتظاميه وائي چې د باجوړ ترخو سيمې نه اووه زره، نهه سوه، څلور اتيا کسان د آپريشن سربکف لوجې په خپله خوښه نورو سيمو ته منتقل شوي وو داچې متاثره خلقو ته امدادي رقم او ضروري سامان هم ورکړې شوي ۔
د باجوړ اسسټنټ کمشنر صادق علي وئيلي دي چې د باجوړ سيمې ترخو کښې متاثره کورنۍ نن خپلو سيمو ته واپس تلې شي ،
هغه اووئيل چې متاثره خلقو ته امدادي رقم او ضروري سامان ورکړې شوې او زياته کړې ئې ده چې د باجوړ سيمې ترخو نه اووه زره، نهه سوه، څلور اتيا کسان په خپله خوښه نورو سيمو ته منتقل شوي وو ۔
د يادونۍ وړ ده چې د باجوړ په لوئې ماموند تحصیل کښې د وسله والو خاتمي لپاره د سربکف په نامه ټارګټيډ فوجي عملیات د اګست په دولسمه نيټه يو واري بيا پيل شوي وو ۔
صوبائي حکومت د شورش زده تحصیل په څو سیمو کښې د درې میاشتو لپاره کرفيو نافذ کړې وه، ولې ځائي خلقو په دې حکومتي فيصله سختې نیوکيې کړې وې ۔
