افغانستان ټيم د ايشيا کپ سُپر فور مرحلې نه بهر شويدې، د ايونټ يوولسم ميچ کښې سري لنکا په شپږ وکټو افغانستان ته شکست ورکړې او د ايونټ دوئمې مرحلې نه ئې پاتې کړېدې، د افغانستان يو سل نهه شپيتۀ رنز سري لنکا نورلسم اوور کښې څلور وکټو په زيان پورا کړې او ميچ ئې آسانۍ سره ګټلې دې ۔
ابوظهبي کښې لوبيدلې د ايشيا کپ اهم ميچ کښې افغانستان ټاس ګټلو نه پس اول پخپله د بيټنګ فيصله کړي وه، او مقرره اوورز کښې ئې اتۀ وکټو په زيان يوسل نهه شپيتۀ رنز جوړ کړي وو ۔
افغانستان طرف نه محمد نبي شاندار او جارحانه بيټنګ کړې وو او صرف په دوه ويشت بالونو ئې شپيتۀ رنز جوړ کړي وو، چې پکښې آخري اوور کښې پنځه چهکې هم شاملې وې ۔
کپتان راشد خان او ابراهيم زدران څليريشت، څليريشت ، صديق الله اتلس، رحمان الله ګُرباز څوارلس او درويش رسولي نهه رنز باندې آؤټ شوي وو ، سري لنکا طرف نه نووان توشارا څلور وکټې په خپل نوم کړې وې ۔
د افغانستان يو سل نهه شپيتۀ رنز سري لنکا څلور وکټو په زيان نورلسم اوور کښې پورا کړي او ميچ ګټلو سره ئې افغانستان د ايونټ سُپر فور مرحلې نه بهر کړېدې ۔
سري لنکا طرف نه ټولو نه زيات کوسال مينډس ناقابلِ شکست څلور اوويا رنز جوړ کړي وو او د ميچ بهترين لوبغاړې ګرځولې شوې ۔
د افغانستان بهر کيدو نه پس د ايشيا کپ ګروپ بي نه سري لنکا او بنګله ديش سُپر فور مرحلې ته کواليفائي کړيده، د ګروپ اے نه بهارت او پاکستان د ايونټ دوئمې مرحلې ته رسيدلي دي ۔
