د ايشيا کپ خوندور او دلچسپ ميچونه يو اے اي کښې شروع شويدي، اولني ميچ کښې افغانستان په څلور نوي رنز هانګ کانګ ته ماتې ورکړې، د افغانستان يو سل اتۀ اتيا رنز جواب کښې هانګ کانګ ټيم مقرره اوورونو کښې نهه وکټو په زيان څلور نوي رنز جوړ کړي او ميچ ئې بيللې دې ۔
ابوظهبي کښې لوبيدلې د ايشيا کپ ټي ټوينټي ټورنامنټ اولني ميچ کښې افغانستان تاس ګټلو نه پاس اول پخپله د بيټنګ کولو فيصله کړې وه ۔
افغانستان مقرره شل اوورونو کښې شپږ وکټو په زيان يو سل اتۀ اتيا رنز جوړ کړي وو، چې پکښې صديق الله شاندار دري اوويا رنز جوړولو سره ناټ آؤټ پاتې شوې وو، عظت الله عمرزئي جارحانه دري پنځوس رنز جور کړې وو، محمد نبي دري ديرش رنز باندې آؤټ شوې وو ۔
د افغانستان يو سل نهه اتيا رنز په تعاقب کښې هانګ کانګ ټيم مقرره اوورونو کښې نهه وکټو په زيان څلور نوي رنز جوړ کړي او په څلور نوي رنز ئې ميچ بيللې دې ۔
هانګ کانګ لخوا بابر حيات ټولو نه زيات نهه ديرش او کپتان ياصم مرتضیٰ شپاړس رنز جوړ کړي وو، افغانستان طرف نه فضل حق فاروقي او ګلبدين نائب دوه ، دوه وکټې په خپل نوم کړې وې ۔
جارحانه دري پنځوس رنز جوړولو او يو وکټ په خپل نوم کولو په کارکردګۍ عظمت الله عمرزئي د ميچ بهترين لوبغاړې ګرځولې شوې دې ۔
