افغان حکومت بلوچستان کښې د سکول ماشومانو په بس د بمي چاودنې مذمت کړې او د ماشومانو او نورو کسانو په مرګ ئې د افسوس اظهار کړيدې،ترجمان ذبيح الله مجاهد وئيلي چې اسلامي امارت هيچا له هم اجازت نۀ ورکوي چې د افغانستان خاوره د بل ملک خلاف استعمال کړي ۔
کابل: امارت اسلاميه افغانستان وياند ذبيح الله مجاهد خپل يو بيان کښې د خضدار سکول بس حملې په سختو ټکو کښې غندنه کړې ده ۔
ذبيح الله مجاهد وئيلي دي چې چاودنه کښې بے ګناه ماشومان پحق رسيدلي او يوشمير ژوبل دي ، امارت اسلاميه افغانستان وياند په ډاګه کړې چې په ماشومانو او معصومه خلقو د حملو هيڅ جواز نۀ جوړيږي ۔
ذبيح الله مجاهد په پاکستاني چارواکو غږ کړې چې بغير د ثبوته او دليله داسې قسمه پيښو ذمه واري په افغانستان اچولو نه ډډه پکار ده ، امارت اسلاميه هيچا له هم اجازت نۀ ورکوي چې د افغانستان خاوره د بل ملک خلاف استعمال کړي ۔
