د ګورنر فيصل کريم کنډي منظورۍ نه پس د خېبرپښتونخوا ديارلس کسيزه کابينه جوړه کړې شوېده، ګورنر د وزیراعلیٰ آفريدي لخوا ليږلې شوې سمرۍ منظور کړې او دستخط ئې پرې هم کړېدې ۔
پيښور: خيبرپښتونخوا کښې ټاکلې شوې ديارلس کسيزه نوې کابينه به نن د خپلو څوکو حلف اخلي، ګورنر خيبر پښتونخوا به د نوې کابينې اراکينو نه حلف پورته کوي ۔
تشکيل شوې نوې کابينه کښې لس وزيران، دوه مشيران او يو خصوصي مرستيال شامل کړې شوې، مزمل اسلم او تاج محمد ترند به د وزیراعلیٰ صلاکار او شفيع الله جان به د خصوصې مرستيال ذمه وارۍ ترسره کوي ۔
د خيبر پښتونخوا کابينې نورو اراکينو کښې مينا خان، فضل شکور، فيصل ترکئۍ، عاقب الله، ارشد ايوب، خليق الزمان، ډاکټر امجد، رياض خان، او فخر زمان شامل کړې شويدي ۔
