د ملک مختلف سيمو کښې نن نه تر يوديرشمي جولائۍ پورۍ د بارانو نوې سلسله شروع کيدو امکان دے ، اين ډي ايم اے دې دوران د شديد بارانونو، لينډ سلائيډنګ او سيلاب انديښنه هم څرګند کړې او الرټ ئې هم جاري کړيدې ، الرټ مطابق خوړونو او سيندونو کښې د اوبو سطح لوړه کيديشي، ادارې دې چمتو اوسي او خلق دې احتياطي تدابير خپل کړي ۔
اسلام آباد: نيشنل ډيزاسټر مينجمنټ له لوري جاري بيان کښې وئيلي شوي چې د ملک په مختلف سيمو کښې ممکنه موسمي صورتحال په وړاندي الرټ جاري کړې شويدې ۔
اين ډي ايم اے وئيلي چې پنجاب، خېبرپښتونخوا، ګلګت بلتستان او آزاد کشمير کښې نن نه تر يو ديرشمې جولائي پورې د شديد بارانونو امکان دې، دې دوران سيلابونو، لينډسلائيډنګ اود طغيانۍ خطره هم ده ۔
د اين ډې ايم اے الرټ مطابق د خېبرپښتونخوا کوهستان، سوات، مالاکنډ، دير، بونير او نورو سيمو خوړونو او سيندونو کښې هم د طغيانۍ انديښنه ده ۔
دريائے سوات، پنجکوړه، باره او کلپانۍ ناله کښې د اوبو سطح سيوا کيدو سره دريائے کابل کښې هم طغياني راتلې شي، ولې چترال، بونير او نورو غريزو سيمو کښې د ګلئيشر ويلي کيدو سره هم د سيلاب خطره ده ۔
اين ډي ايم اے لخوا الرټ کښې وئيلي شوي چې متعلقه ادارے دې چمتو اوسي او خلق دې احتياطي تدابير خپل کړي چې د څه قسمه بدې پيښې په وخت مخنيوې اوکړې شي ۔
