د افغانستان مختلفو سيمو کښې د شپږ اعشاريه درې شدت زلزله راغلې، د زلزلې نه سمنګان ، بلخ او بغلان ولايتونه زيات متاثره شوي ، مختلفو پيښو کښې شل نه زيات کسان پحق رسيدلي ، درې سوه نه زيات ژوبل شويدي ، مرګ ژوبله د زياتيدو انديښنه ښودلې شويده ۔
کابل: افغان ميډيا مطابق د زلزلې شدت شپږ اعشاريه درې وو ، د زلزلې ژوروالې اتۀ ويشت کلوميټره ريکارډ شوې ، د زلزلې مرکز د سمنګان ولايت خلم ضلعې نه دوه ويشت کلوميټره لرې جنوب مغرب اړخ وو ۔
افغان ميډېا رپورټ ترمخه د زلزلې نه سمنګان ، بلخ او بغلان ولايتونه د ټولو زيات متاثره شويدي ، کابل کښې هم د زلزلې جهټکې محسوس شوي ، مزار شريف کښې د زلزلې نه تاريخي جومات ته هم زيان رسيدلې دې ۔
د زلزلې لوجې مختلفو پيښو کښې شل کسان پحق رسيدلي ، يدرې سوه، شل نه زيات کسان ژوبل شوي ، مرګ ژوبله د زياتيدو انديښنه هم څرګند شوي ده ۔
د طالبانو حکومت چارواکو وئيلي دي چې زلزلې نه متاثره سيمو کښې امدادي هلې ځلې شروع کړې شوي دي ۔
يادونې وړ ده چې څښکال د اګست په يو ديرشمه نيټه هم افغانستان کښې زلزله راغلې وه چې پکښې دوه زره نه سيوا کسان پحق رسيدلي وو ۔
