وزيرخارجه اسحاق ډار وئيلي چې اووۀ ويشتم آئيني ترميم به ډير زر پارليمان کښې پيش کولې شي ،په ترميم به بحث کيږي او بيا به متعلقه کميټو ته سپارلي شي،اسحاق ډار مطابق داسې ګنګوسۍ کيږې چې يعنې دې ګام سره به د اتلسم آئيني ترميم تحت صوبو ته ورکړې شوي ځيني اختيارات واپس واخستې شي ،علي ظفر ته باور ورکوم چې اووۀ ويشتم آئيني ترميم باندې به باقاعده بحت کولې شي،حکومت ته هم درخواست کوم چې دا ځل ترميم اول سينيټ کښې وړاندې کړې شي ۔
اسلام آباد: سينيټ اجلاس دوران خپله وينا کښې نائب وزيراعظم او خارجه وزير سينيټر اسحاق ډار وئيلي چې حکومت اووۀ ويشتم آئيني ترميم راوړي،کوم چې به د آئين و قانون مطابق پارليمان کښې پيش کولې شي ،او د قواعد مطابق به متعلقه قائمه کميټو ته لږلې شي ۔
نائب وزيراعظم وئيلي چې اپوزيشن ته باور ورکوم چې اووۀ ويشتم آئيني ترميم باندې به باقاعده بحث کيږي ،حکومت ته هم درخواست کوم چې دا ځل ترميم اول سينيټ ته راوړلې شي ۔
اسحاق ډار زياته کړې چې پيپلزپارټۍ سره په ترميم خبرې شويدي، او اوس به پرې اتحاديانو سره خبرې کوو، چې څه هم عمل کيږي شفاف طريقې سره به ترسره کولي شي ۔
بلخوا مجوزه آئيني تراميم په ټول ملک کښې بحت شروع کړې،ځکه چې مختلف سياسي جماعتونو خپل خپل دريز طے کوي، ولې انديښنه هم ظاهريږي چې دې ګام سره د اتلسم آئيني ترميم تحت صوبو ته ورکړې شوي ځيني اختيارات به واپس اخستې شي ۔
