پاکستان د نام نهاد ګريټر اسرائيل منصوبه رد کړې، سعودي عرب کښې د او آئي سي خارجه وزيرانو اجلاس ته نائب وزيراعظم اسحاق ډار خپله وينا کښې وئيلي چې غزه کښې فلسطينيان د اسرائيل بدترين ظلمونو ښکار دي، پناه ګزين کيمپونو، هسپتالو باندې د اسرائيلي حملې عالمي قوانينو خلاف ورزي ده، عالمي برادري دې غزه کښې مستقل او غير مشروط جنګ بندۍ لپاره اقدامات پورته کړي ۔
جده کښې د او آئي سي خارجه وزيرانو اجلاس ته خطاب کښې اسحاق ډار اووئيل چې غزه کښې د اسرائيل مسلط کړې قحط لوجې هنګامي امداد فراهمي ډير ضروري دې، اسرائيلي حملو کښې بې ګناه فلسطينيان شهيد کړې شويدي، غزه کښې شپيته زره پورې ماشومان شهيدان شويدي ۔
هغه اووئيل چې هسپتالونو، سکولونو او پناه ګزينو کيمپونو باندې حملې د عالمي قوانينو خلاف ده، فلسطين کښې د قحط صورتحال دې، فوري اقداماتو کولو ضرورت دې ۔
اسحاق ډار اووئيل چې عالمي برادري دې غزه کښې مستقل او غير مشروط جنګ بندۍ لپاره اقدامات اوکړي،د نام نهاد ګريټر اسرائيل ګريټر منصوبه خطې کښې امن لپاره خطره ده،پاکستان دغه منصوبه سختې سره رد کوي، غزه کښې دې انساني امداد فوري او محفوظ رسائي ممکن کړې شي ۔
خارجه وزير اووئيل چې غزه نه دې په زوره بې دخلۍ او قبضې فوري خاتمه اوکړې شي، پاکستان د عرب ملکونو خودمختاري او سالميت ملاتړ کوي، عالمي برادرې دي اسرائيل خلاف سخت اقدامات اوکړي ۔
غونډې ته د سعودي عرب او ترکيه خارجه وزيرانو هم وينا کړې او د نام نهاد ګريټر اسرائيل منصوبه ئې مسترد کړېده۔
دوي مطالبه کړې چې فلسطين کښې دې د غزه مسلمانانو کلاف اسرائيلي جارځيت فوري اودرولو لپارپ عالمي طاقتونه کردار ادا کړي ۔
