د بنو ضلعې مختلفو سيمو کښې پوليس، سي ټي ډي او نور سيکيورټي فورسز مشترکه کاروائي کړې چې پکښې درې اهم کمانډرانو پشمول اوولس ترهه ګر وژلي شوي دي، آئي جي ذوالفقار حميد کاميابه کاروائۍ باندې پوليس او سيکيورټي فورسز ته شاباسې هم ورکړېدې ۔
بنو: سيکيورټي سرچينو ترمخه د بنو مختلفو سيمو خښې پوليس ، سي ټي ډي، کوئيک رسپانس فورس او سيکيورټي فورسز مشترکه او کاميابې کاروائيانې کړېدي ۔
سرچينو وئيلي چې دغه مشترکه کاروائيانو دوران اوولس ترهه ګر خپل انجام ته رسولې شوي، وژل شوي ترهه ګرو کښې درې اهم کمانډران هم شامل دي ۔
سرچينو مطابق د بنو شيري خيل، پهاړ خيل سيمو کښې د ترهه ګرو د موجودګۍ پها طلاع لکي پوليس، سي ټي ډې بنو او سيکيورټي فورسز آپريشن کړې چې پکښې لس ترهه ګر وژلي شوي او پنځه نور ژوبل شويدي ۔
وژلي شوي ترهه ګرو کښې مقامي ترهه ګر ډلې ته لوئې زيان رسيدلې چې پکښې اهم کمانډران هم وژلي شويدي، د ولقې نه لوئې تعداد کېښ وسله او ايمونيشن هم ترلاسه شويدي ۔
دغه کاروائۍ کښې د ترهه ګرو يو سهولت کار هم نيولې شوې، او دې آپريشن کښې مقامي خلقو هم بهرپور طريقې سره د سيوکيورټي فورسز ملګرتيا کړې او کاروائۍ کښې ئې برخه اخستې ده ۔
وژلي شوي ترهه ګر کمانډرانو کښې نياز علي عرف اکاشا او عبدالله عرف شپونکې شامل دي، څوک چې پوليس او سيکيورټي فورسز ته د ترهه ګرۍ مختلفو وارداتونو کښې مطلوب وو ۔
سرچينو مخکښې وئيلي چې د بنو ډوميل سيمه کښې ترهه ګرو پوليس اهلکارانو باندې ډزې کړي، د پيښې وروستو اتۀ ګهنټو باندې مشتمل اوږد آپريشن کښې شپږ ترهه ګر وژلي شويدي ۔
سرچينو زياته کړې چې نصر خيل سيمه کښې هم لکي پوليس، سي ټي ډې او د امن کميټۍ اراکينو يوه شريکه کاروائي کړې چې پکښې يو ترهه ګر خپل انجام ته رسولې شويدې ۔
بلخوا انسپکټر جنرل آف پوليس ذوالفقار حميد د بنو پوليس، سي ټي ډي او سيکيورټي فورسز کامياب مشترکه آپريشن باندې هغوي ته شاباسې ورکړې او وئيلي دي چې د خېبرپښتونخوا خاوره به بهرملکي پشمول هر قسمه ترهه ګرو نه مکمل صفا کولې شي ۔
آئي جي ذوالفقار حميد اووئيل چې صوبه کښې ترهه ګر چرته هم وي د هغوي ټولک ټهکانې به په هر صورت ختمولې شي او دوي ټول به خپل انجام ته رسولې شي ۔
دې تر څنګ پوليس چارواکو وئيلي چې بنو کښې د ترهه ګرۍ لويه هڅه شنډه کړې شوې ، بم ډسپوزل سکواډ په مين بنو کوهاټ روډ دوه غاړي پل د الوزولو کوشش ناکامه کړې دې، پوليس د پيښې تحقيقات شروع کړيدي ۔
پوليس مطابق شرخوښو پل ته لس کلو ګرامه بارودي مواد نصب کړي وو، د بم موجودګۍ په اطلاع بم ډسپوزل سکواډ او پوليس فوري کاروائي کړې او بم ئې ناکاره کړې دي ۔
